Марына Арзамасава

Марына Арзамасава (у дзявоцтве — Катовіч; нарадзілася 17 сьнежня 1987 году, Менск) — беларуская лёгкаатлетка (бег). Чэмпіёнка Эўропы 2014 году ў бегу на 800 м^[1].

Марына Арзамасава
Пэрсанальная інфармацыя
Нарадзілася	17 сьнежня 1987 (37 гадоў) Менск
Грамадзянства	Беларусь
Прафэсійная інфармацыя
Спэцыялізацыя	лёгкая атлетыка (бег)
Узнагароды і мэдалі Чэмпіянат сьвету Золата Пэкін-2015 800 м Чэмпіянат сьвету ў памяшканьнях Бронза Сопат-2014 800 м Чэмпіянат Эўропы Бронза Хэльсынкі-2012 800 м Золата Цюрых-2014 800 м Чэмпіянат Эўропы ў памяшканьнях Бронза Гётэборг-2013 800 м

На чэмпіянаце сьвету 2011 году — 21-я, чэмпіянаце сьвету 2012 году — 8-я, чэмпіянаце Эўропы 2012 году — 3-я^[a]. Удзельніца Алімпійскіх гульняў 2012 году ў бегу на 800 мэтраў^[2], дзе ня здолела прайсьці папярэдні раўнд і заняла агульнае 28 месца.

Прынесла Беларусі першае золата на чэмпіянаце сьвету па лёгкай атлетыцы ў Пэкіне на дыстанцыі 800 мэтраў^[3].

Удзельніца Алімпійскіх гульняў 2016 году, дзе заняла 7 месца на дыстанцыі 800 м.

Сям’я

Бацька — Аляксандар Катовіч, займаўся скачкамі ў вышыню; маці — Равіля Аглетдынава, чэмпіёнка Эўропы і СССР у бегу на сярэднія дыстанцыі. Замужам за лёгкаатлетам Ільлём Арзамасавым, зь якім маюць дачку, якая нарадзілася ў 2009 годзе^[4].

Заўвагі

1. Першапачаткова заняла 4 месца, але ў красавіку 2013 году пераможца спаборніцтваў Алена Аржакова з Расеі была дыскваліфікаваная за допінг.