Матрыкул

Матрыкул (па-лацінску: matricula — сьпіс) — афіцыйны сьпіс якога-небудзь стану, установы, унёскаў, даходаў і г.д.^[1] (напрыклад, студэнтаў унівэрсытэту, шляхецкіх прозьвішчаў^[2]).

Гербавы матрыкул

Гербавы матрыкул Беларусі — гэта рэестар, у якім захоўваюцца выявы афіцыйных гербаў Рэспублікі Беларусь, дакумэнты пра іх прыняцьце і рэгістрацыю. Існуе дадатак да матрыкула, у які мусяць дадавацца гістарычныя гербы, што ўжываліся на тэрыторыі Беларусі.

Матрыкул вядзецца з мэтай цэнтралізаванага дзяржаўнага ўліку гербаў, забесьпячэньня іх адпаведнасьці геральдычным правілам і адзіным прынцыпам выкарыстаньня^[3].