Мелантыевыя

Мелантыевыя (Melanthiaceae) — сямейства кветкавых расьлінаў, якое зьмяшчае 17 родаў і 143 віды^[1].

Мелантыевыя
Veratrum album — тыповы від
Клясыфікацыя
Надцарства	Эўкарыёты (Eukaryota)
Царства	Расьліны (Plantae)
Аддзел	Кветкавыя (Angiosperms)
Кляса	Аднадольныя (Monocots)
Атрад	Лілеякветныя (Liliales)
Сямейства	Мелантыевыя
Бінамінальная намэнклятура
Melanthiaceae Batsch ex Borkh.
Мелантыевыя на Віківідах  Мелантыевыя ў Вікісховішчы ITIS 810131 ·

Апісаньне

Шматгадовыя травяністыя расьліны, з кароткім, тоўстым карэнішчам, ад якога адыходзяць шматлікія шнурападобныя корані. Сьцяблы простыя, тоўстыя, полыя, у ніжняй частцы акружаныя рэшткамі леташняга лісьця, вышынёй 20–170(200) см. Лісьце даволі буйнае, ад шырока-эліптычнай да лянцэтнай формы, сьпіральна разьмешчаныя на сьцябле. Кветкі дробныя, на кароткіх кветаножках, сабраны ў густыя суквецьці. Калякветнік шасьціскладны, складаецца зь зрослых толькі ў аснове лісточкаў белага, жоўта-зялёнага або цёмна-чырвонага колеру, ападае пры плодзе. Тычачак 6. Плод — каробачка. Насеньне крылатае або вузкае^[2].

Арэал

Распаўсюджаныя ў паўночным паўшар’і^[3].