Могілкі

Могілкі — участак тэрыторыі, адмыслова прызначаны для пахаваньня памерлых або іх праху пасьля крэмацыі. Пахаваньне ў зямлі — старажытны і найбольш распаўсюджаны спосаб пахаваньня.

уваход на могілкі Росы ў Вільні

Беларусь

У 2001 годзе набыў моц Закон Беларусі «Аб пахаваньні і пахавальнай справе». На красавік 2014 году ў Менскім раёне налічвалася 119 могілак, якія даглядала прадпрыемства «Рытуальныя паслугі Менскага раёну». У Менску сярод 23-х могілак хаваць дазвалялі толькі на трох — Заходніх, Калодзішчанскіх і Паўночных. Аднаразовая плата на ўтрыманьне могілак складала 5 базавых велічыняў, а для месьцічаў пры пахаваньні на вясковых могілках — 20 БВ^[1].