Моцарткугель

Моцарткугель (па-нямецку: Mozartkugel, даслоўна Моцартава кулька) — кандытарскі выраб з шакаляду, фісташкавага гарэху, марцыпану й нугі. Быў створаны ў 1890 годзе зальцбурскім кандытарам Паўлям Фюрстам і названы ў гонар кампазытара Вольфганга Амадэя Моцарта. Першапачаткова называўся Mozart-Bonbon^[1] (ад па-француску: Bonbon — цукерка).

Моцартавы кулькі ад розных вытворцаў

Арыгінальныя Моцарткуглі дагэтуль вырабляюцца рукамі фірмай «Кандытарская Фюрста» ў Зальцбургу. Праз адсутнасьць аўтарскіх правоў, цукеркі пад такой назвай вырабляе таксама цэлы шэраг фірмаў у Аўстрыі й Нямеччыне.