Мэліярацыя

Мэліяра́цыя (ад лац. melioratio, літ. «паляпшэньне») — сыстэма арганізацыйна-гаспадарчых мерапрыемстваў па карэннаму паляпшэньню зямельных рэсурсаў з мэтай іх найбольш эфэктыўнага выкарыстаньня.

Уключае наступныя мерапрыемствы:

• гідратэхнічная мэліярацыя (арашэньне, абвадненьне, асушэньне),
• хімічная мэліярацыя (вапнаваньне, гіпсаваньне глебаў),
• агралесамэліярацыя (стварэньне полеахоўных лясных палосак),
• культурнатэхнічныя працы (карэннае паляпшэньне фізыка-хімічных і біяхімічных уласьцівасьцяў глебы).

Выбар віда мерапрыемстваў залежыць ад прыродна-гаспадарчых умоваў канкрэтных тэрыторыяў.

У Беларусі асушана больш як 3,2 млн. гектараў (16,4 % тэрыторыі краіны), найбольшая плошча мэліяраваных зямель сканцэнтраваная ў Палесьсі.^[1]

Беларусь

14 чэрвеня 2023 году кіраўнік «Інстытуту мэліярацыі» Аляксандар Анжанкоў паведаміў, што ў Беларусі налічвалася каля 3-х млн асушальна-ўвільгатняльных мэліярацыйных сыстэмаў, што ахоплівалі звыш 7000 кв.км (3,4 % земляў Беларусі)^[2].

Глядзіце таксама

• «Пінскводбуд»