Мэнінгіт

Мэнінгіт — запаленьне мазгавой абалонкі (ахоўнай мэмбраны галаўнога і сьпіннога мозгу) праз заражэньне вірусам або бактэрыяй (мэнінгакок^[1]). Уяўляе сьмяротную небясьпеку праз блізкасьць запаленьня да галаўнога і сьпіннога мозгу.

Пашыранасьць і распаўсюд

Носьбітамі ўзбуджальніка найчасьцей ёсьць дарослыя, аднак хварэюць пераважна дзеці да 14 гадоў. Распаўсюджваецца праз дыханьне і дотык.

Праява

Напачатку нагадвае застуду: запаленьне задняй сьценкі глоткі, нязначнае павышэньне тэмпэратуры, галаўны боль і насмарк. Праз гадзіну тэмпэратура ўзьнімаецца да +40 градусаў. Праз 6 гадзінаў пачынаюцца ваніты. Адмысловыя праявы — сып на руках, ягадзіцах і бакавых паверхнях тулава.

Папярэджаньне

Дзеля прадухіленьня заражэньня варта:

• карыстацца марлевымі павязкамі;
• гуляць штодня на сьвежым паветры;
• ужываць багатую на вітаміны і мікраэлемэнты ежу;
• разьмінацца і загартоўвацца штодня;
• праветрываць штодня пакоі і рабіць вільготную прыборку^[2].