Міжнародная амністыя

Міжнаро́дная амні́стыя (па-ангельску: Amnesty International, Amnesty, AI) — міжнародная няўрадавая арганізацыя, якая займаецца абаронай правоў чалавека. Штаб-кватэра знаходзіцца ў Лёндане, мае прадстаўніцтвы ў 58 краінах, у якія агулам уваходзяць больш за 2,2 мільёны чалавек. У штогадовых дакладах прыводзіць факты парушэньня правоў чалавека.

Міжнародная амністыя
Абрэвіятура	AI
Дэвіз	Лепей запаліць сьвячу, чым праклінаць цемру
Дата ўтварэньня	1961
Тып	няўрадавая, некамэрцыйная
Мэта	абарона правоў чалавека
Штаб-кватэра	Лёндан, Вялікабрытанія
Дзейнічае ў рэгіёнах	глябальна
Афіцыйныя мовы	ангельская, арабская, гішпанская, француская
Генэральны сакратар	Саліл Шэці
Колькасьць супрацоўнікаў	2,8 мільёны чальцоў і прыхільнікаў
Сайт	www.amnesty.org

Арганізаваная ў Лёндане ў 1961 годзе брытанскім юрыстам Пітэрам Бэнэнсанам пасьля таго, як ён прачытаў артыкул пра двух партугальскіх студэнтаў, якіх асудзілі да сямі гадоў зьняволеньня за тое, што яны паднялі тост за свабоду.

У 1977 годзе атрымала Нобэлеўскую прэмію міру за сваю «кампанію супраць катаваньняў»^[1], у 1978 — прэмію ААН у галіне правоў чалавека(en)^[2].