Міжнародны дзень абароны дзяцей

Міжнародны дзень абароны дзяцей — штогадовае сьвята ўшанаваньня правоў дзіцяці, якое адзначаюць 1 чэрвеня і 20 лістапада.

Міжнародны дзень абароны дзяцей

міжнародная традыцыя
Іншыя назвы	Дзень абароны дзяцей, Сусьветны дзень дзіцяці
Сьвяткуецца	99 краінаў, у тым ліку Беларусь
Значэньне	ушанаваньне правоў дзіцяці
Сьвяткаваньні	канцэрт, фэст
Дата	1 чэрвеня, 20 лістапада
Пэрыядычнасьць	штогод
Першае сьвяткаваньне	1 чэрвеня 1950 (75 гадоў таму)
Заснавальнік	Міжнародная дэмакратычная фэдэрацыя жанчынаў (Францыя)

Савецкая паштовая марка, прысьвечаная Міжнароднаму дню абароны дзяцей

Быў заснаваны ў лістападзе 1949 году ў сталіцы Францыі горадзе Парыжы рашэньнем кангрэсу Міжнароднай дэмакратычнай фэдэрацыі жанчынаў. Упершыню Міжнародны дзень абароны дзяцей адзначаўся ў 1950 годзе.

20 лістапада 1959 году Генэральная асамблея ААН (Нью-Ёрк) ухваліла Дэклярацыю правоў дзіцяці, з нагоды чаго пачалі сьвяткаваць Сусьветны дзень дзіцяці. 20 лістапада 1989 году падпісалі ў ААН падпісалі Канвэнцыю аб правах дзіцяці^[1].