Міністэрства эканомікі Рэспублікі Беларусь

Міністэ́рства экано́мікі Рэспу́блікі Белару́сь (Мінэканомікі Беларусі) — ведамства ўраду Беларусі, упаўнаважанае ажыцьцяўляць парадкаваньне гаспадараньня. Міністар эканомікі прызначаецца й здымаецца з пасады прэзыдэнтам. З 4 студзеня 2024 году пасаду міністра займае Юры Чабатар^[4].

Міністэрства эканомікі Рэспублікі Беларусь
Абрэвіятура	МЭ РБ
Папярэднік	Дзяржаўны камітэт па эканоміцы і плянаваньню
Штаб-кватэра	Менск, вул. Берсана, д. 14
Міністар	Юры Чабатар
Першы намесьнік	Андрэй Картун
Намесьнікі	Алеся Абраменка, Тацяна Бранцэвіч, Уладзімер Навумовіч[1]
Зьвязаныя кампаніі	«БелВТІ», «Нацыянальнае інвэстыцыйнае агенцтва»
Бюджэт	17 млрд рублёў[2] (2009; 6 млн $[3])
Сайт	economy.gov.by

Склад

• Цэнтральны апарат — 2 дэпартамэнты, 10 галоўных управаў, 7 управаў, 4 аддзелы^[5];
• Прадпрыемствы «БелВТІ» (Беларуская вылічальная тэхніка і інфарматыка), «Нацыянальнае інвэстыцыйнае агенцтва», «Цэнтар па цэнах»;
• Навукова-дасьледніцкі эканамічны інстытут.

Задачы

• агляд гаспадаркі дзяржавы;
• парадкаваньне цэнаўтварэньня ды прадпрымальніцтва;
• парадкаваньне ўзнаўленьня асноўных фондаў прадпрыемстваў;
• прыцягненьне ўкладаньняў ды распрацоўка заканадаўства аб кіраваньні дзяржаўнаю маёмасьцю;
• удзел у распрацоўцы гаспадарчае супрацы зь іншымі дзяржавамі й міжнароднымі арганізацыямі;
• парадкаваньне банкруцтва;
• супрацьдзеяньне манаполіям;
• удзел у распрацоўцы праграмаў жыльлёвага будаўніцтва;
• плянаваньне падрыхтоўкі гаспадаркі дзяржавы да ваеннага часу.

Паўнамоцтвы

• ухваленьне, тлумачэньне й нагляд за выкананьнем ведамасных пастановаў;
• скліканьне нарадаў адмыслоўцаў;
• заключэньне дамоваў аб падрыхтоўцы аглядаў і прагнозаў разьвіцьця гаспадаркі дзяржавы;
• запыт ва ўстановах зьвестак аб гаспадараньні;
• праверка выкананьня пастановаў аб цэнаўтварэньні ды прадпрымальніцкай дзейнасьці;
• прыём справаздачаў кіраўнікоў установаў аб гаспадараньні на пасяджэньнях калегіі міністэрства;
• стварэньне, пераўтварэньне й касаваньне падпарадкаваных установаў^[6].