Міністэрства жыльлёва-камунальнай гаспадаркі Рэспублікі Беларусь

Міністэ́рства жыльлё́ва-камуна́льнай гаспада́ркі Рэспу́блікі Белару́сь (Мінжылкамга́с Белару́сі) — ведамства ўраду Беларусі, упаўнаважанае ажыцьцяўляць парадкаваньне карыстаньня жытлом. Міністар жыльлёва-камунальнай гаспадаркі прызначаецца й здымаецца з пасады прэзыдэнтам. З 28 ліпеня 2023 году пасаду міністра займае Генадзь Трубіла.

Міністэрства жыльлёва-камунальнай гаспадаркі Рэспублікі Беларусь
Абрэвіятура	МЖКГ РБ
Дата ўтварэньня	25 жніўня 1991 (33 гады таму)
Штаб-кватэра	Менск, вул. Берсана, д. 16
Міністар	Генадзь Трубіла
Намесьнікі	Андрэй Бекета (першы намесьнік) Андрэй Рамашка[1]
Зьвязаныя кампаніі	«Камунальнік», «Ліфтсэрвіс»
Бюджэт	38 млрд рублёў[2] (2009 год; 14 млн $[3])
Сайт	mjkx.gov.by

Склад

• Цэнтральны апарат — 5 управаў, 3 аддзелы^[4];
• Прадпрыемствы «Белжылпраект», «Белінкамаш», «Белкамунпраект», «Белліфт», «Белліфтмантаж», «Белліфтпраект», «Белтэхналіфт», «Жылкамунтэхніка», «Камунальнік», «Ліфтсэрвіс», «Слонімскі вадаканал»;
• Вучэльня кадраў жыльлёва-камунальнай гаспадаркі^[5].

Задачы

• парадкаваньне жыльлёва-камунальнай гаспадаркі ды абыходжаньня з камунальнымі адкідамі;
• парадкаваньне будаўніцтва, перабудовы, выкарыстаньня, утрыманьня ды рамонту вуліцаў паселішчаў;
• аказаньне жыльлёва-камунальных паслугаў;
• стварэньне ўмоваў для пашырэньня аказаньня паслугаў падпарадкаванымі прадпрыемствамі;
• падача прапановаў аб зьмене разьлікаў за карыстаньне жытлом ды камунальныя паслугі;
• прыцягненьне вонкавых пазыкаў;
• разьвіцьцё вонкавагаспадарчых сувязяў.

Паўнамоцтвы

• правядзеньне нарадаў аб жытле;
• заказ навуковых дасьледаваньняў;
• запыт зьвестак ва ўстановах^[6].