Міхаіл Сачкоўскі

Міхаіл Сачкоўскі (нар. 21 лістапада 2002 году) — беларускі футбаліст, паўабаронца мазырскай «Славіі».

Міхаіл Сачкоўскі
Пэрсанальная інфармацыя
Нарадзіўся	21 лістапада 2002(2002-11-21)[1] (22 гады) Пінск, Берасьцейская вобласьць, Беларусь[1]
Рост	180 см[2]
Вага	75 кг[1]
Пазыцыя	паўабаронца
Клюбная інфармацыя
Клюб	Славія Мазыр
Нумар	5
Клюбы
Гады	Клюб	Гульні (галы)¹
2020—2024	Слуцак	75 (0)
2025—4	Славія Мазыр	11 (0)
Зборныя
2022	Беларусь (да 21)	1 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 27 чэрвеня 2025.

Кар’ера

Клюбная

Выхаванец пінскай СДЮШАР-3. Маладзёнам далучыўся да «Слуцку», дзе выступаў за юнацкія каманды. У 2019 годзе пачаў гуляць за клюбны дубль, дзе адразу замацаваўся ў складзе. У 2020 годзе пачаў прыцягвацца і да асноўнай каманды. Дэбютаваў першай камандзе «Слуцку» 29 жніўня 2020 году ў матчы Кубка Беларусі супраць гомельскага «Лякаматыва» (2:0), калі выйшаў на замену ў канцы сустрэчы. 22 лістапада 2020 году ўпершыню згуляў у Найвышэйшай лізе, правёўшы на полі ўсе 90 хвілінаў у матчы супраць гарадзенскага «Нёмана» (0:1). У 2021 годзе пачаў часьцей зьяўляцца ў стартавым складзе, а ў сэзоне 2022 году ўжо быў рэгулярным гульцом асноўнага складу. У студзені 2024 году падоўжыў кантракт з «Слуцкам»^[3], але колькасьць гульнёвага часу пачала скарачацца. У пачатку 2025 году ўзмоцніў шыхты мазырскай «Славіі»^[4][5].

Міжнародная

27 верасьня 2022 году дэбютаваў у зборнай Беларусі (да 21 году), адгуляўшы другі тайм таварыскага матчу супраць зборнай Казахстану (1:1).