Міхаіл Якімовіч

Міхаі́л Іва́навіч Якімо́віч (нар. 13 студзеня 1967 году^[2], Слуцак, БССР, СССР) — беларускі гандбаліст, алімпійскі чэмпіён 1992 року ў складзе Аб’яднанай каманды СНД, чэмпіён сьвету 1990 року ў складзе зборнай СССР.

Вікіпэдыя мае артыкулы пра іншых асобаў з прозьвішчам Якімовіч.

Міхаіл Якімовіч
Пэрсанальная інфармацыя
Нарадзіўся	13 студзеня 1967 (58 гадоў) Слуцак, БССР
Рост	187 см
Вага	93 кг
Пазыцыя	левы паўсярэдні
Клюбы
Гады	Клюб
1984—1992 1992—1999 1999—2004	СКА Менск Тэка Кантабрыя Портлянд Сан Антоніё
Зборныя
1987—1991 1992 1992—1995	СССР Аб’яднаная зборная  Беларусь	117 (?) 7 (29) 41 (231)[1]

Спартовыя ўзнагароды
Алімпійскія гульні
Золата	Барсэлёна-1992	Аб’яднаная зборная
Чэмпіянаты сьвету
Срэбра	Чэхаславаччына-1990	Зборная СССР

Кар’ера

Скончыў Беларускі інстытут фізычнай культуры^[3].

За савецкім часам Міхаіл Якімовіч выступаў за менскі СКА. З 1992 гуляў у Гішпаніі за клюбы «Тэка Кантабрыя» і «Портлянд» Сан Антоніё. З усімі трыма клюбамі ён выйграваў Лігу чэмпіёнаў, што акрамя яго дагэтуль паўтарылі яшчэ толькі два гульцы: Матэа Гаральда ды Хасэ Хавіер Амбрадас (абодва — Гішпанія).

На Чэмпіянаце сьвету 1990 року ў Чэхаславаччыне Міхаіл Якімовіч стаў чэмпіёнам сьвету ў складзе зборнай СССР, а праз два гады стаў алімпійскім чэмпіёнам у складзе Аб’яднанай зборнай. Пасьля развалу СССР выступаў за беларускую зборную, зь якой мэдалёў не здабываў, аднак вызначаўся ў пэрсанальных катэгорыях, стаўшыся трэцім бамбардырам на Чэмпіянаце сьвету 1995 року^[4].

Узнагароды

• Алімпійскі чэмпіён-1992
• Срэбны прызэр чэмпіянату сьвету-1990
• Уладальнік Кубка эўрапейскіх чэмпіёнаў-1987, 1989, 1990 (СКА Менск), 1994 («Тэка Кантабрыя»), 2001 («Портлянд» Сан Антоніё)
• Уладальнік Кубка кубкаў эўрапейскіх краінаў-1988 (СКА Менск), 1998 («Тэка Кантабрыя»), 2000, 2004 («Портлянд» Сан Антоніё)
• Уладальнік Супэркубка Эўропы-1989 (СКА Менск), 2000 («Портлянд» Сан Антоніё)
• Уладальнік Кубка ЭГФ-1993
• Двухразовы чэмпіён СССР (1988, 1989), срэбны (1987, 1990, 1992) і бронзавы (1991) прызэр
• Двухразовы чэмпіён Гішпаніі (1993, 1994) у складзе каманды «Тэка Кантабрыя», срэбны (1999) і бронзавы (1995) прызэр у складзе «Портлянд» Сан Антоніё
• Уладальнік Супэркубка Гішпаніі (1993—1995, 2002, 2003) у складзе каманды «Тэка Кантабрыя»
• Заслужаны майстар спорту СССР (1992)
• Ганаровы грамадзянін Слуцку