Надзея

Надзея — эмацыянальнае перажываньне, якое ўзьнікае пры чаканьні чалавекам нейкай жаданай падзеі, або прадугаданая магчымасьць рэальнага зьдзяйсьненьня чаго-небудзь. Надзея фармуецца ў выніку пазнаньня абʼектыўных прычын, ад якіх залежаць чаканыя падзеі, або на аснове субʼектыўнага эмацыянальнага вопыту (перажываньне радасьці, няпосьпеху і да т.п.), назапашанага ў мінулых падобных сытуацыях. Прадказваючы магчымае разьвіцьцё падзеяў у пэўных абставінах, надзея адыгрывае ролю ўнутранага рэгулятара, які дапамагае чалавеку вызначыць яго вынікі й мэтазгоднасьць.

Ня варта блытаць з Надзея (імя).