Нарвэскае мора

Нарвэскае мора — мора Арктычнага акіяна, паміж Скандынаўскім паўвостравам, Ісьляндыяй і выспай Ян Маен. Плошча 1,4 млн км², глыбіня да 3970 м (сярэднія глыбіні — 1600—1750 м), вышыня прыліваў — да 3,3 м, салёнасьць — каля 35‰.

Разьмяшчэньне Нарвэскага мора

Разьвітыя рыбалоўства і здабыча нафты. Найважнейшыя порты — нарвэскія Тронгэйм, Трумсё і Нарвік.

Геаграфія

Міжнародная гідраграфічная арганізацыя вызначае межы Нарвэскага мора наступным чынам:^[1]

На паўночным усходзе. Лінія, якая злучае самы паўднёвы пункт Заходняга Шпіцбэргену да Паўночнага мысу выспы Мядзьведжай, праз гэтую выспу да мысу Бык, затым да Нордкапу ў Нарвэгіі (27°45’E).

На паўднёвым усходзе. Заходняе ўзьбярэжжа Нарвэгіі паміж Нордкапам і мысам Стад (62°10′ пн. ш. 05°00′ у. д.).

На поўдні. Ад пункту на заходнім узьбярэжжы Нарвэгіі па 61-й паўночнай паралелі да 0°53' з. д. і да Фуглоя (62°21′ пн. ш. 6°15′ з. д.), затым да ўсходняй кропкі Гэрпір (65°05′ пн. ш. 13°30′ з. д.) у Ісьляндыі.

На захадзе. Паўднёва-заходняя мяжа Грэнляндзкага мора.