Наўэль Маліна
аргентынскі футбаліст From Wikipedia, the free encyclopedia
Remove ads
Наўэ́ль Малі́на (па-гішпанску: Nahuel Molina; нар. 6 красавіка 1998 году) — аргентынскі футбаліст, правы абаронца гішпанскага клюбу «Атлетыка» і нацыянальнай зборнай Аргентыны.
Remove ads
Кар’ера
Клюбная
Маліна браў удзел у спартовым праекце гішпанскай «Барсэлёны», якая стварыла ў Аргентыне падрыхтоўчы лягер[2]. Маліна атрымаў ухвалу, а таксама быў накіраваны ў Барсэлёну, каб далучыцца да мясцовай акадэміі. У 2012 годзе гэты праект быў інтэграваны ў моладзевы склад «Бока Хуніёрс», і Маліна працягнуў трэнавацца з гэтым клюбам[3]. 18 лютага 2016 году ён дэбютаваў у першай камандзе «Бока Хуніёрс» у матчы айчыннага першынства супраць каманды «Сан-Мартын», згуляўшы ўсю гульню. У студзені 2018 году Маліна быў аддадзены ў арэнду ў «Дэфэнсу і Хустысію» на астатнюю частку году[4]. 15 верасьня 2020 года гулец далучыўся да італьянскага «Ўдынэзэ» на правах вольнага агента[5]. 28 ліпеня 2022 году аргентынец прыяднаўся да мадрыдзкага «Атлетыка», склаўшы пяцігадовы кантракт[6]. Гэты пераход каштаваў гішпанцам 10 мільёнаў эўра, а таксама прадугледжваў розныя дадатковыя сплаты ў памеры 5 мільёнаў эўра[7].
Міжнародная
3 чэрвеня 2021 году Маліна дэбютаваў у складзе нацыянальнай зборнай Аргентыны ў адборачным матчы чэмпіянату сьвету 2022 году супраць зборнай Чылі, выйшаўшы на замену Хуану Фойту на 81-й хвіліне[8]. 9 сьнежня ў чвэрцьфінальным матчы чэмпіянату сьвету 2022 году супраць зборнай Нідэрляндаў Маліна забіў свой першы гол за зборную[9].
Remove ads
Дасягненьні
Аргентына:
- Чэмпіён сьвету: 2022
- Уладальнік Кубка Амэрыкі: 2021, 2024
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads