Нешчарда (рака)

Не́шчарда — рака ў Расонскім раёне Віцебскай вобласьці, правы прыток ракі Дрысы (басэйн Дзьвіны). Даўжыня 21 км. Плошча вадазбору 346 км². Сярэдні нахіл воднай паверхні 1‰.

Гэта артыкул пра раку. Калі вам патрэбны артыкул пра возера, глядзіце артыкул Нешчарда (возера).

Рака

Нешчарда
Агульныя зьвесткі
Выток	воз. Нешчарда
Вусьце	Дрыса
Краіны басэйну	Беларусь
Вобласьці	Віцебская вобласьць
Даўжыня	21 км
Плошча басэйну	346 км²
Нахіл воднай паверхні	1 ‰

Асноўны прыток — рака Расонка (праваруч).

Выцякае з возера Нешчарда за 1 км на паўночны ўсход ад вёскі Парэчча, вусьце за 0,8 км на ўсход ад вёскі Прыбыткі. На вадазборы азёры займаюць да 9% плошчы — Нешчарда, Валуйскае, Бродна, Доўгае, Расамачынскае і іншыя. Цячэ лясістай забалочанай мясцовасьцю^[1].