Новая Паўднёвая Грэнляндыя

Новая Паўднёвая Грэнляндыя^[1] (Паўднёвая Грэнляндыя^[2], радзей Зямля Морэла) — востраў-прывід, зарэгістраваны ў сакавіку 1823 году амэрыканскім капітанам Бэнджамінам Морэлам у часе прамыслова-дасьледніцкай экспэдыцыі на шхуне «Ўосп» (па-ангельску: Wasp — «Аса») у антарктычным моры Ўэдэла. У сваёй кнізе «Аповед аб чатырох падарожжах» («па-ангельску: Narrative of Four Voyages»), напісанай празь дзевяць гадоў, Морэл указвае дакладныя каардынаты вострава і прыблізнае апісаньне яго берагавой лініі, якая пралегла, паводле яго сьведчаньняў, на больш чым 480 км.