Норд Еўрапеан Банк

Закрытае акцыянэрнае таварыства «Норд Еўрапеан Банк»^[2][3] — колішні камэрцыйны банк у Рэспубліцы Беларусь.

Норд Еўрапеан Банк
Тып	Закрытае акцыянэрнае таварыства
Заснаваная	2009
Краіна	Беларусь
Разьмяшчэньне	Беларусь
Ключавыя фігуры	Старшыня праўленьня Ўладзімер Гаркавы Намесьнік старшыні праўленьня Ўладзімер Чаховіч Намесьнік старшыні праўленьня Людміла Кісьлюк
Галіна	банкаўская дзейнасьць
Прадукцыя	банкаўскія паслугі
Чысты прыбытак	18,5 млрд руб.[1]
www.nebbank.by

Статутны фонд — 46,71 млрд руб. (2013). Акцыянэры — рэзыдэнт ФРН Х. М. Танха (94%), ЗПГУП «Іст Трэйд Компані» (6%)^[4].

Рэквізыты

Найменьне банку:

• па-беларуску: Закрытае акцыянернае таварыства «Норд Еўрапеан Банк» (скарочана ЗАТ «Н. Е. Б. Банк»)
• па-расейску: Закрытое акционерное общество «Норд Европеан Банк» (скарочана ЗАО «Н. Е. Б. Банк»)
• па-ангельску: Closed joint-stock company «North European Bank» (скарочана CJSC «N.E.B. Bank»)

Месцазнаходжаньне: 220004, Рэспубліка Беларусь, Менск, вул. Клары Цэткін, д. 51, пам. 1.

УНП 807000227, АКПА 378819175000.

S.W.I.F.T.: HNRBBY2X.

Тэлекс: 252252 HBANK BY^[5].

Ліцэнзія на правядзеньне банкаўскай дзейнасьці №32 выдадзеная 6 траўня 2013 року Нацыянальным банкам РБ.

Мінуўшчына

Заснаваны ў 2009 року пад назваю «Онэрбанк» са 100%-вым іранскім капіталам. Заснавальнікі — банкі Bank Refah Kargaran(en) (40% статутнага фонду), Bank Saderat Iran(en) (37%) і Bank Toseeh Saderat Iran(fa)^[6] (23%)^[7][1]. Ліцэнзію на правядзеньне банкаўскай дзейнасьці атрымаў 16 кастрычніка 2009.

У 2010 супраць «Онэрбанку» і банку «Гандлёвы капітал» былі ўведзеныя санкцыі Міністэрства фінансаў ЗША па падазрэньні ў суўдзеле заснавальнікаў гэтых банкаў у фінансаваньні іранскай ядзернай праграмы^[6]. 23 траўня 2011 року санкцыі супраць банку ўвёў і Эўрапейскі Зьвяз^[8][9].

22 студзеня 2013 100% акцыяў былі прададзеныя новым уласьнікам за 5,1 млн эўра^[10]. 13 траўня 2013 «Онэрбанк» зьмяніў назву на «Норд Еўрапеан Банк»^[3].

28 верасьня 2016 року распачатая працэдура ліквідацыі банку^[11].