Нэварская мова

Нэва́рская мо́ва — загрожаная мова сына-тыбэцкай сям’і, на якой размаўляюць нэварцы ў Катмандыйскай даліне Нэпалу.

Нэварская
नेपाल
Ужываецца ў	Нэпал
Рэгіён	Паўднёвая Азія
Колькасьць карыстальнікаў	860 тыс. (2011 год)
Клясыфікацыя	сына-тыбэцкая сям’я
Афіцыйны статус
Афіцыйная мова ў	Катманду
Рэгулюецца	Акадэмія нэварскай мовы (1992 год)
Статус:	4 Адукацыйны[d][1]
Пісьмо	дэванагары[d] і Ranjana[d]
Коды мовы
ISO 639-2(Б)	new
ISO 639-3	new

Паводле перапісу насельніцтва 2011 году, налічвалася 860 тыс. носьбітаў мовы, зь іх 14 тыс. пражывала ў паўночнаіндыйскім штаце Сыкім. Ёсьць адной з 2 афіцыйных моваў Катманду. У XIV—XVIII стагодзьдзях была дзяржаўнай мовай Нэпалу. Зазнавала ўціск ад пачатку XX стагодзьдзя да скасаваньня манархіі ў 2008 годзе. За 40 гадоў з 1952 да 1991-га адсотак носьбітаў нэварскай мовы ў Катмандыйскай даліне скараціўся з 75% да 44%^[2]. У выніку Арганізацыя Аб’яднаных Нацыяў па пытаньнях адукацыі, навукі і культуры (Парыж, Францыя) залічыла яе да ліку загрожаных. Выкарыстоўваецца індыйскае пісьмо.