Нясіта

Нясі́та, Бабы́на — возера ў Беларусі, у басэйне ракі Начы. Знаходзіцца ў Полацкім раёне Віцебскай вобласьці, за 15 км на паўднёвы захад ад Полацку. Плошча паверхні возера 0,49 км². Даўжыня 1,33 км, найбольшая шырыня 0,56 км. Найбольшая глыбіня дасягае 32,3 м. Аб′ём вады 6,07 млн м³. Даўжыня берагавой лініі 3,6 км^[2].

Возера Нясіта Панарама Нясіты Возера Нясіта Краіна Беларусь Плошча 0,49 км² Плошча вадазбору 6,3 км² Максымальная глыбіня 32,3 м Найбольшая даўжыня 1,33 км Найбольшая шырыня 0,56 км Даўжыня берагавой лініі 3,6 км Вышыня над узроўнем мора 138 м[1] Аб’ём вады 6,07 млн м³ Каардынаты 55°16′35″ пн. ш. 28°25′9″ у. д. Нясіта на мапе Беларусі Нясіта

Галерэя здымкаў у Вікісховішчы

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бабына.

На заходнім беразе возера стаіць гістарычнае мястэчка Бабынічы.

Апісаньне

Нясіта

Схілы катлавіны вышынёй ад 7 да 40 мэтраў, пад пашай або лесам. Ніжняя частка схілаў амаль паўсюдна ўтварае стромкі абразійны ўступ вышынёй ад 1 да 9 мэтраў. Берагі нізкія, пясковыя і гліністыя. Мелкаводзьдзе вузкае. Дно пясковае, глыбей 8—10 мэтраў — ілістае. Зарастае, шырыня паласы расьліннасьці месцамі да 70 мэтраў.

Злучаецца пратокай з возерам Бабынічамі.

Флёра і фаўна

У возеры водзяцца шчупак, акунь, язь, плотка, мянтуз ды іншыя віды рыбаў.