Ніканаўскі летапіс

Ніканаўскі летапіс — летапісная кампіляцыя, створаная ў Маскоўскай дзяржаве. Атрымаў сваю назву паводле аднаго з сьпісаў, які належаў маскоўскаму патрыярху Нікану. Пачатковая рэдакцыя даводзіць выклад да 1520 году і, як лічыцца, стваралася ў Маскве пры катэдры мітрапаліта ў другой палове 1520-х гадоў. Галоўнымі крыніцамі былі Сімеонаўскі, Ясафаўскі і Наўгародзкі хранаграфічны летапісы, а таксама некалькі мясцовых летапісцаў, гістарычных аповесьцяў і расказаў, жывотаў сьвятых і архіўных дакумэнтаў^[1].