Ойра

«О́йра» ці «Ойра-ойра» — парны побытавы танец памерам 3/4 такту, тэмп умерана хуткі. На Беларусі зьявіўся ў канцы XIX — пачатку XX стагодзьдзя. Атрымаў папулярнасьць ва Ўсходняй Эўропе.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ойра (неадназначнасьць).

Выконваецца ў парах па коле. Блёк рухаў паўтараецца некалькі разоў запар: плясканьне ў далоні, простыя крокі, сынхроннае выцягваньне нагі на «насок-абцас», загляданьне адзін аднаму ў твар ды іншыя. Выканаўцы падчас танцу часта выгуквалі «ой-ра!», адкуль і паходзіць назва танцу. Пазьней зьявіліся таксама й прыпеўкі:

Што за танец ойра, ойра! Да чаго ж ты стройна, стройна…

У канцы 80-х з актывізацыяй адраджэнскага руху танец ізноў пачаў адраджацца ў Беларусі ўжо паводле прыбалтыйскага ўзору^[1] — трохкрокі, стуканьні аднайменнымі нагамі (правымі, пасьля левымі), тое ж з плячыма і ўрэшце бака́мі^[2]. Пры гэтым прыгаворваюць «Ойра-ойра!»^[3]