Павал Шорац

Па́вал Шорац (нар. 30 студзеня 1998 году) — беларускі футбаліст, абаронца «Ліды».

Павал Шорац
Пэрсанальная інфармацыя
Нарадзіўся	30 студзеня 1998(1998-01-30)[1] (27 гадоў) Ліда, Гарадзенская вобласьць, Беларусь
Пазыцыя	абаронца
Клюбная інфармацыя
Клюб	Ліда
Нумар	2
Клюбы
Гады	Клюб	Гульні (галы)¹
2014—2018	Ліда	60 (6)
2019	Ліда	13 (0)
2019—2020	Энэргетык-БДУ	8 (0)
2020	→ Ліда	8 (1)
2021—4	Ліда	97 (7)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 25 верасьня 2024.

Кар’ера

Выхаванец лідзкай ДЮСШ. З 2014 году пачаў прыцягвацца да складу «Ліды» ў Першай лізе. У 2017 годзе канчаткова замацаваўся ў складзе і быў адным з асноўных гульцоў каманды. У ліпені 2018 году пакінуў лідзкі клюб^[2]. Пераехаў у Польшчу і пачаў выступаць за клюб пятага дывізіёну «Мажыцка», аднак у студзені 2019 году вярнуўся ў «Ліду»^[3].

З ліпеня 2019 году знаходзіўся на праглядзе ў «Энэргетыку-БДУ» і ў жніўні склаў працоўнае пагадненьне з клюбам^[4]. 16 жніўня 2019 году дэбютаваў у Найвышэйшай лізе, калі выйшаў у пачатковым складзе ў матчы супраць «Гомля» (1:1) і быў заменены ў другім тайме. У сэзоне 2019 году згуляў яшчэ ў шасьці матчах, а ў 2020 годзе пачаў выступаць пераважна за дубль.

У ліпені 2020 году быў аддадзены ў арэнду «Лідзе»^[5], а на наступны год перайшоў у лідзкі клюб ужо на трывалай аснове. У 2022 годзе быў прызначаны капітанам каманды.