Палац Парлямэнту (Румынія)

Палац Парлямэнту (па-румынску: Palatul Parlamentului) — шматфункцыянальны будынак у Бухарэсьце (Румынія), у якім засядаюць абедзьве палаты румынскага парлямэнту. Паводле зьвестак Акадэміі сусьветных рэкордаў, Палац — найвышэйшы цывільны будынак з адміністрацыйнымі функцыямі, найбольш дарагі адміністрацыйны будынак і найцяжэйшы будынак у сьвеце^[1].

Палац Парлямэнту
Palatul Parlamentului
Архітэктурны стыль	Позьняя інтэрпрэтацыя нэаклясычнае архітэктуры
Месцазнаходжаньне	Румынія, Бухарэст
Пачатак будаўніцтва	25 чэрвеня 1984
Сканчэньне будаўніцтва	1997
Вышыня	86 м
Найвышэйшы паверх	12
Іншыя велічыні памеру	пэрымэтар 270×240 м глыбіня пад зямлёй 92 м 1100 пакояў
Агульная плошча	340 000 м²
Кошт будаўніцтва	€3 мільярды
Архітэктар	Анча Пэтрэску
Каардынаты	44°25′39″ пн. ш. 26°5′15″ у. д.
Палац Парлямэнту на мапе Румыніі Палац Парлямэнту

Палац быў распрацаваны архітэктарам Анчам Пэтрэску і будаваўся для камуністычнага рэжыму. Нікалае Чаўшэску назваў яго Народным домам (польск. Casa Poporului)^[2]. З 1996 у яго пераехала Палата дэпутатаў Румыніі, якая дагэтуль разьмяшчалася ў Палацы палаты дэпутатаў, а таксама Румынская заканадаўчая рада і Румынская рада па канкурэнцыі. У 2005 годзе да іх далучыўся Сэнат, які пераехаў з будынку колішняга Цэнтральнага камітэту Камуністычнае партыі.

У 2008 годзе Палац прымаў 20-ы саміт НАТО.