Парлямэнт Беларусі

Парлямэнт Беларусі — галоўны орган заканадаўчай улады ў Беларусі:

• Вярхоўны Савет Рэспублікі Беларусь — найвышэйшы бесьперапынна дзейны прадстаўнічы і заканадаўчы орган дзяржаўнай улады ў Беларусі ў 1991—1996 гадох. Валодаў вяршэнствам і паўнатой заканадаўчай улады, ажыцьцяўляў яе ад імя народу ў межах і формах, вызначаных Канстытуцыяй і законамі Беларусі.
• Нацыянальны сход Рэспублікі Беларусь — галоўны заканадаўчы орган рэжыму Лукашэнкі ў Беларусі, утвораны ў 1996 годзе па разгоне Вярхоўнага Савету Рэспублікі Беларусь 13-га скліканьня як фактычная замена законнага парлямэнту.

З улікам таго, што назва «Вярхоўны Савет» небеларуская і паходзіць ад Беларускай ССР, выказваюцца прапановы вярнуць парлямэнту краіны традыцыйную ад часоў Вялікага Княства Літоўскага назву — Сойм^[1][2].