Паходня (Горадня)

«Паходня»^[1] — самадзейная гістарычная суполка пры Гарадзенскім Доме культуры. Сядзіба месьцілася: места Горадня, Гарадзенскі Дом Культуры. «Паходня» была заснаваная 12 сакавіка 1986 году. У яе склад увайшла вялікая колькасьць людзей: работнікі ВНУ, работнікі гарадзенскага аддзяленьня НДІ біяхіміі Акадэміі Навук БССР, работнікі музэяў Горадні, студэнты, тэхнічная і творчая інтэлігенцыя, настаўнікі, і іншыя работнікі Горадні.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Паходня (неадназначнасьць).

Паходня
Выява паходні
Даведка
Дата ўтварэньня	12 сакавіка 1986 (39 гадоў таму)
Дата спыненьня існаваньня	22 верасьня 2021
Від	расходнае прадпрыемства
Праўны стан	юрыдычная асоба
Сядзіба	СССР БССР, Гарадзенская вобласьць, Горадня
Дзейнічае ў месцах	Гарадзенская вобласьць, м. Горадня
Службовыя мовы	беларуская, расейская
Старшыня	Мікола Таранда
Управа	Рада
Галоўная ўправа	Сход таварышаў

Дзейнасьць

«Паходня» была заснаваная 12 сакавіка 1986 году і прыпыніла сваю дзейнасьць^[2], а спыніў сваю дзейнасьць 22 верасьня 2021 году^[3].

Задачы

Свае задачы «Паходня» апісала ў статуце і праграме. «Паходня» мела нагрудны знак, памятную мэдаль (уручалася гасьцям «Паходні»). Галоўная ўправа — Рада «Паходні», была выбарная. Па стане на 1988 год «Паходня» мела каля 200 членаў.

Асноўная дзейнасьць «Паходні» — вывучэньне й праваслаўненьне мінулага Горадні й Беларусі, яе культуры, баявых і працоўных дасягненьняў роднага краю, дзейнасьць славутых ураджэнцаў Беларусі (у тым ліку Горадні і Гарадзенскае вобласьці), распаўсюджаньне і праслаўленьне беларускае мовы і чытанкі.

Таварыства

«Паходня» мела таварыскія зносіны з камсамолам, а таксама з гарадзенскім абласным аддзяленьнем Беларускага фонду культуры, аховы помнікаў гісторыі і культуры.

Спосабы

«Паходня» праводзіла вальныя соймы, дзе гаварылі аб стане культуры і яе разьвіцьці. Праводзілі суботнікі па добраўпарадкаваньню места Горадня. Удзельнічала ў раскопках Старога замку ў Горадні. Праводзілі экскурсіі ў музэі Горадні і Гарадзенскае вобласьці, сустрэчы зь беларускімі пісьменьнікамі, паэтамі, мастакамі, артыстамі і інш.

Праводзілі дабрачынныя вечарыны і канцэрты для збору сродкаў на помнікі:

• К. Каліноўскага
• М. Багдановіча
• магіле маці (Максіма Багдановіча) Марыі Багдановіч

«Паходня» праводзіла навукова-практычныя канфэрэнцыі:

• 400-годзьдзе фарнае аптэкі ў Горадні
• 150-годзьдзе са дня нараджэньня К. Каліноўскага
• 100-годзьдзе са дня нараджэньня Я. Драздовіча

Водгукі

Першы пісар Гарадзенскага гаркому КПБ заявіў на выступе ў гаркоме пра Паходню:

Час перамен — час дзеяньня. Разам з тым, трэба прама сказаць, што далёка не адназначныя працэсы ідуць, напрыклад, у клюбе «Паходня». З аднаго боку, ў адпаведнасьці са статутам — гэта дзеяньні за ахову помнікаў гісторыі й нацыянальнае культуры , а з другога боку — пачуцьці, якія ў асобных яе членаў часам бяруць верх над дарослымі мысьлямі.

— Першы пісар Гарадзенскага гаркому КПБ. «Гарадзенская праўда». 1988 год^[4].

Глядзіце таксама

• БНФ у Горадні