Песьні з-за кратаў

«Песьні з-за кратаў» — кніга вершаў, песень і паэм беларускага паэта Сяргея Новіка-Пяюна. Выдадзена ў 1993 годзе ў выдавецтве «Мастацкая літаратура»,^[1] тыраж 3300 экз. Апошняя кніга, выдадзеная пры жыцьці паэта, за год да яго сьмерці.

Песьні з-за кратаў
Песні з-за кратаў
Жанр:	Паэзія
Аўтар:	Сяргей Новік-Пяюн
Год напісаньня:	1926—1969
Публікацыя:	1993
Выдавецтва:	«Мастацкая літаратура»
Колькасьць старонак:	157
Ілюстратар:	А. А. Мацюшэўская
Афармленьне:	А. М. Малышава
Носьбіт:	Кніга
ISBN:	5-340-01010-4

Зьмест

У зборнік «Песьні з-за кратаў» увайшло 78 твораў аўтара з 1926 па 1969 год. У кнізе, за выключэньнем двух апошніх вершаў, сабраны толькі тыя, якія аўтар стварыў у астрогах, лягерах, ссылках у былой Польшчы, пры гітлераўцах і на сталінскай Калыме.

Не маючы там ні алоўка, ні паперы, Сяргею Новіку-Пяюну давялося ствараць, «запісваць» ды захоўваць у памяці свае творы, і толькі пазьней перанесьці іх на паперу.

У кнігу ўвайшлі ў тым ліку «Зорачкі» (1929 г.), «Над Шчарай» (1943), паэма «Цярністы шлях», і інш.

Глядзіце таксама

• С. Новік-Пяюн: Дні лятуць. Песні з-за кратаў(be)