Правы сэктар

«Пра́вы сэ́ктар» (па-ўкраінску: Пра́вий се́ктор) — палітычная партыя^[1][2], якая аб’ядноўвае актывістаў нізкі ўкраінскіх радыкальных арганізацыяў нацыяналістычнага ды скрайне правага кірункаў^[3][4][5][6]. Стаў вядомы пасьля свайго ўдзелу ў сутычках з падразьдзеламі МУС Украіны пад час Эўрамайдану ў Кіеве^[4][5].

Правы сэктар
Правий сектор
Дата ўтварэньня	2013
Тып	Партыя
Зьміцер Яраш
Сайт	pravyysektor.info

Актывісты Правага сэктару на Эўрамайдане ў Адэсе

16 ліпеня 2014 году Яраш абвясьціў пра стварэньне «добраахвотніцкага ўкраінскага корпусу» на базе сілавога блёку «Правага сэктару» для ўдзелу сумесна з узброенымі сіламі Ўкраіны ў баявых дзеяньнях у вайне на ўсходзе Украіны^[7]. Першапачаткова належала да яго таксама Тактычная група «Беларусь»^[8].