Прэзыдэнцкія выбары ў Расеі 2012 году

Выбары прэзыдэнта Расеі адбыліся 4 сакавіка 2012 року^[1]. Для ўдзелу ў выбарах былі зарэгістраваныя пяць кандыдатаў. У першым туры перамогу атрымаў Уладзімер Пуцін.

← 2008   2018 →
Прэзыдэнцкія выбары ў Расеі
4 сакавіка 2012
Кандыдат	Уладзімер Пуцін	Генадзь Зюганаў	Міхаіл Прохараў
Партыя	беспартыйны	КПРФ	самавылучэнец
Галасоў выбаршчыкаў	45 602 075	12 318 353	5 722 508
Папярэдняя колькасьць месцаў	71,31 %	17,72 %
Адсотак	63,60 %	17,18 %	7,98 %
Кандыдат	Уладзімер Жырыноўскі	Сяргей Міронаў
Партыя	ЛДПР	«Справядлівая Расея»
Галасоў выбаршчыкаў	2 763 935
Папярэдняя колькасьць месцаў	9,35 %	0,75 %
Колькасьць месцаў	4 458 103
Адсотак	6,22 %	3,85 %

Перад выбарамі ў канстытуцыю Расейскай Фэдэрацыі была ўнесеная папраўка, паводле якой тэрмін прэзыдэнцкіх паўнамоцтваў быў павялічаны да 6 гадоў. Наступныя выбары адбудуцца ў 2018 року.

Кандыдаты

Свае кандыдатуры на выбары вылучылі 15 прэтэндэнтаў, аднак частка кандыдатаў атрымала адмовы ў рэгістрацыі з розных прычынаў. У выніку ў выбарах бралі ўдзел пяць кандыдатаў.

Кандыдат	Пасада (на момант вылучэньня)	Суб’ект вылучэньня
Уладзімер Жырыноўскі	старшыня ЛДПР, дэпутат Дзярждумы	ЛДПР[2]
Генадзь Зюганаў	старшыня ЦК КПРФ, дэпутат Дзярждумы	КПРФ[3]
Сяргей Міронаў	старшыня партыі «Справядлівая Расея», дэпутат Дзярждумы	«Справядлівая Расея»[4]
Міхаіл Прохараў	прэзыдэнт ААТ «Группа ОНЭКСИМ»	самавылучэньне
Уладзімер Пуцін	старшыня ўраду Расейскай Фэдэрацыі, старшыня партыі «Адзіная Расея»	«Адзіная Расея»[5]

Вынікі галасаваньня

Вынікі выбараў:

Месца		Кандыдат	Галасы	%
	1.	Уладзімер Пуцін	45 602 075	63,60
	2.	Генадзь Зюганаў	12 318 353	17,18
	3.	Міхаіл Прохараў	5 722 508	7,98
	4.	Уладзімер Жырыноўскі	4 458 103	6,22
	5.	Сяргей Міронаў	2 763 935	3,85
Колькасьць бюлетэняў, выдадзеных выбарцам на датэрміновым галасаваньні			239 569	4,77
Агулам галасоў			71 104 543	64,71
Колькасьць выбарцаў, улучаных у сьпіс выбарцаў			109 860 331	100,00

Крытыка

Масавы антыпуцінскі мітынг на Пушкінскай плошчы ў Маскве 5 сакавіка 2012 року — у дзень абвяшчэньня папярэдніх вынікаў галасаваньня

Прадстаўнікі апазыцыі і журналісты папярэдне паведамлялі пра нелегітымнасьць выбараў і пра вялікую колькасьць парушэньняў яшчэ да пачатку галасаваньня: перашкоды для вылучэньня і рэгістрацыі кандыдатаў, незбалянсаванае асьвятленьне кампаніі ў дзяржаўных СМІ, адміністрацыйны ціск на ўдзельнікаў выбараў і іншае. Пратэсты супраць фальсыфікацыяў выбараў адбываліся яшчэ з 5 сьнежня 2011 року.

5 сакавіка 2012 року, на наступны дзень па выбарах, назіральнікі ад АБСЭ абвясьцілі, што прэзыдэнцкія выбары ў Расеі «нельга назваць справядлівымі», бо на траціне выбарчых участкаў былі зафіксаваныя парушэньні: укід бюлетэняў, таемнага ад назіральнікаў падліку галасоў і да т. п.^[6].