Пшамыслаў Гасеўскі

Пшамыслаў Эдгар Гасеўскі (па-польску: Przemysław Edgar Gosiewski; 12 траўня 1964 году, Слупск — 10 красавіка 2010 году, пад Смаленскам) — польскі палітык.

Пшамыслаў Гасеўскі
па-польску: Przemysław Edgar Gosiewski
Пшамыслаў Гасеўскі
Міністар-старшыня пастаяннага камітэту Рады Міністраў
14 ліпеня 2006 — 16 лістапада 2007
Прэзыдэнт	Лех Качынскі
Прэм’ер-міністар	Яраслаў Качынскі
Намесьнік прэм'ер-міністра
8 жніўня 2007 — 16 лістапада 2007 [1]
Прэзыдэнт	Лех Качынскі
Асабістыя зьвесткі
Нарадзіўся	12 траўня 1964(1964-05-12) Слупск[d], Паморскае ваяводзтва, Польшча
Памёр	10 красавіка 2010(2010-04-10) (45 гадоў) пад Смаленскам, Расея
Партыя	Права і справядлівасьць
Адукацыя	факультэт права і адміністрацыі Гданьскага ўнівэрсытэту[d]
Сужэнец	Małgorzata Gosiewska[d] і Beata Gosiewska[d]
Узнагароды

Закончыў юрыдычны факультэт Гданьскага ўнівэрсытэту (1989, абарона працы магістэрскай 1997), сярод яго выкладчыкаў быў Лех Качынскі^[2]. За студэнцкім часам дзейнічаў у апазыцыі. Быў працаўніком бюро прафзьвязу Салідарнасьць. Быў адным з заснавальнікаў партыі Пагадненьне цэнтру (Porozumienie Centrum), а таксама Права і справядлівасьць.

Пачынаючы з 2001 году тройчы абіраўся дэпутатам у Сойм з выбарчай акругі 33 Кельцы^[3]. У Сойме 4-га скліканьня (2001—2005) быў чальцом сьледчай камісіі. У Сойме 5-га скліканьня (2005—2007) быў галавой дэпутацкага клюбу Права і справядлівасьць (3 лістапада 2005 — 19 ліпеня 2006), міністрам-старшынём пастаяннага камітэту Рады Міністраў (14 ліпеня 2006 — 16 лістапада 2007), намесьніка прэм’ер-міністра (8 траўня 2007 — 7 верасьня 2007 ды 11 верасьня — 16 лістапада 2007), падсакратара стану ў канцылярыі (адміністрацыі) прэм’ер-міністра. У Сойме 6-га скліканьня (з 2007) быў зноў галавой дэпутацкага клюбу Права і справядлівасьць (13 лістапада 2007 — студзень 2010), а пазьней адным з намесьнікаў старшыніі партыі.

Загінуў 10 красавіка 2010 году ў авіякатастрофе пад Смаленскам.

16 красавіка 2010 году пасьмертна ўзнагароджаны Крыжам камандорскім з зоркай ордэна Адраджэньня Польшчы ^[4].

Магіла Пшамыслава Гасеўскага

Пахаваны на Вайсковых могілках на Павонзках ў Варшаве.