Пітэрбара

Пі́тэрбара (па-ангельску: Peterborough) — горад у графстве Кембрыджшыр, Ангельшчына. Насельніцтва на 2017 год складала 202 тысячаў чалавек^[1]. Першапачаткова знаходзіўся ў складзе Нортгэмптаншыра, але з 1974 году ён стаў часткай Кембрыджшыра. Горад знаходзіцца ў 122 км на поўнач ад Лёндана, на рацэ Нэнэ, якая выцякае ў Паўночнае мора ў 48 км на паўночны ўсход. Чыгуначная станцыя гораду ёсьць важным прыпынкам на галоўнай лініі ўсходняга ўзьбярэжжа, якая злучае паміж сабой Лёндан і Эдынбург. Насельніцтва места хутка павялічылася пасьля будаўніцтва тутака чыгункі ў XIX стагодзьдзі, і Пітэрбара стаў прамысловым цэнтрам, асабліва вядомым сваёй вытворчасьцю цэглы. Пасьля Другой сусьветнай вайны рост гораду амаль спыніўся, гэтак жа зьмянілася структура эканомікі. Сёньня занятасьць у прамысловасьці значна зьнізілася, а значная частка новых працоўных месцаў прыпадае на фінансавыя паслугі.

Пітэрбара
Дата заснаваньня:	1541
Краіна:	Вялікабрытанія
Плошча:	343 км²
Насельніцтва:	▲194 000 чал. (2015)
Тэлефонны код:	01733
Паштовы індэкс:	PE
Геаграфічныя каардынаты:	52°34′21″ пн. ш. 0°14′35″ з. д.
Пітэрбара на мапе Вялікабрытаніі Пітэрбара
Галерэя здымкаў у Вікісховішчы
http://www.peterborough.gov.uk/