П’ера Інкап’е

П’е́ра Марты́н Інкап’е́ Рэ́йна (па-гішпанску: Piero Martín Hincapié Reyna; нар. 9 студзеня 2002 году) — эквадорскі футбаліст, цэнтральны абаронца нямецкага клюбу «Баер» і нацыянальнай зборнай Эквадору.

П’ера Інкап’е
Пэрсанальная інфармацыя
Нарадзіўся	9 студзеня 2002(2002-01-09) (23 гады) Эсмэральдас[d], Эквадор
Рост	184 см
Пазыцыя	цэнтральны абаронца
Клюбная інфармацыя
Клюб	Баер Левэркузэн
Нумар	3
Клюбы
Гады	Клюб	Гульні (галы)¹
2019—2020	Індэпэнд’ентэ дэль Вальле	3 (0)
2020—2021	Тальерэс[d]	14 (0)
2021—4	Баер Левэркузэн	115 (5)
Зборныя
2019	Эквадор (да 17)[d]	11 (0)
2021—4	Эквадор	46 (3)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 10 чэрвеня 2025.

Кар’ера

Займаўся футболам у родным Эквадоры. Дэбютаваў за клюб «Індэпэнд’ентэ дэль Вальле» ў жніўні 2019 году ў матчы эквадорскага першынства супраць «Мушук Руны». Футбаліст амаль не зьяўляўся ў складзе асноўнай дружыны клюбу, але разам з моладзевай камандай здабыў Кубак Лібэртадорэс сярод юнакоў. Гэтым ён прыцягнуў да сябе ўвагу. У жніўні 2020 году перайшоў у склад аргентынскага клюбу «Тальерэс», які сплаціў 1 млн даляраў ЗША за 50% правоў за гульца^[1][2]. Праз год, у жніўні 2021 году, Інкап’е далучыўся да нямецкага «Баера». 16 жніўня эквадорац выйшаў у складзе ў матчы Лігі Эўропы супраць «Фэрэнцварашу». Немцы перагулялі вугорцаў зь лікам 2:1. Першы гол у прафэсійнай кар’еры адбыўся таксама ў матчы Лігі Эўропы супраць «Сэлтыку».

Дасягненьні

«Баер»:

• Чэмпіён Нямеччыны: 2024
• Уладальнік Кубка Нямеччыны: 2024
• Уладальнік Супэркубка Нямеччыны: 2024