Разлад аўтыстычнага спэктру

Разла́д аўтысты́чнага спэ́ктру, скарочана РАС (па-ангельску: autism spectrum disorder, ASD) — нэўраантагенэтычны разлад(en)^[1][2], то бок разлад псыхічнага разьвіцьця з надыходам у маленстве ці дзяцінстве, які характарызуецца ўстойлівым дэфіцытам здольнасьці пачынаць і падтрымліваць сацыяльнае ўзаемадзеняньне і грамадзкія сувязі, а таксама абмежаванымі зацікаўленасьцямі і часта паўтаральнымі паводзінамі^[1]. Асноўная характарыстыка разладу — пэрманэнтны дэфіцыт у сацыяльнай камунікацыі і сацыяльным узаемадзеяньні^[2]. Галоўнымі дэфіцытамі ў людзей з разладам аўтыстычнага спэктру зьяўляюцца навыкі разьдзеленай (то бок узгодненай з партнэрам па зносінах) увагі і ўзаемнасьці ва ўзаемадзеяньні^[3]. Між асобаў з разладам аўтыстычнага спэктру часта сустракаецца разумовая адсталасьць^[2], аднак сустракаюцца і высокафункцыянальныя індывідуўмы з гэтым разладам.