Раман Давыскіба

Рама́н Давыскі́ба (нар. 31 сакавіка 2001) — беларускі футбаліст, паўабаронца «Маладэчна-2018».

Раман Давыскіба
Пэрсанальная інфармацыя
Нарадзіўся	31 сакавіка 2001(2001-03-31) (24 гады) Салтанаўка, Пірэвіцкі сельсавет, Жлобінскі раён, Гомельская вобласьць, Беларусь[1]
Рост	180 см[2]
Вага	82 кг[3]
Пазыцыя	паўабаронца
Клюбная інфармацыя
Клюб	Маладэчна-2018
Нумар	37
Клюбы
Гады	Клюб	Гульні (галы)¹
2020—2023	Дынама Менск	29 (2)
2022	→ Шахцёр Салігорск	8 (0)
2023	Нафтан	7 (1)
2024—2025	Гомель	29 (0)
2025	→ Гомель-2[d]	5 (1)
2025—4	Маладэчна-2018
Зборныя
2019	Беларусь (да 19)[d]	3 (1)
2020—2022	Беларусь (да 21)	12 (2)

Кар’ера

Клюбная

Выхаванец ДЮСШ гораду Жлобіну. Юнаком трапіў у структуру менскага «Дынама», дзе з 2018 году пачаў выступаць за клюбны дубль. У 2020 годзе пачаў прыцягвацца да асноўнай каманды. У ліпені 2020 году падоўжыў кантракт з дынамаўцамі^[4]. Дэбютаваў у Найвышэйшай лізе 27 верасьня 2020 году, калі выйшаў у стартавым складзе ў матчы супраць «Віцебску» (1:0) і быў заменены ў другім тайме. У сэзоне 2021 году пачаў трывала зьяўляцца ў асноўнай камандзе дынамаўцаў. Пры гэтым спачатку выходзіў у стартавым складзе, пасьля пачаў пераважна выходзіць на замену.

У сакавіку 2022 году на правах арэнды далучыўся да салігорскага «Шахцёра»^[5]. У складзе салігорскай каманды быў гульцом ратацыі, часьцей выходзіў на замену або заставаўся на лаўцы запасных. У сьнежні 2022 году па заканчэньні арэнды пакінуў «Шахцёр»^[6]. У студзені 2023 году пачаў трэнавацца разам з «Дынама»^[7], аднак неўзабаве быў пераведзены ў дубль, дзе і пачаў сэзон 2023 году. У ліпені 2023 году па пагадненьні бакоў скасаваў кантракт з сталічным клюбам^[8] і неўзабаве далучыўся да складу наваполацкага «Нафтану»^[9].

У сьнежні 2023 году выправіўся на прагляд у казаскі «Кайсар»^[10][11], а ў лютым 2024 году стаў гульцом «Гомля»^[12]. У новай камандзе стаў гульцом асноўнага складу ў другой палове дэбютнага сэзону, а ў пачатку 2025 году склаў новы кантракт з клюбам^[13], але ня быў гульцом першага складу. У выніку ў ліпені 2025 году перайшоў да складу «Маладэчна-2018»^[14], якое на той час займала апошні радок у Найвышэйшай лізе.

Міжнародная

У кастрычніку 2017 году гуляў за зборную Беларусі (да 17 гадоў) у кваліфікацыйным раўндзе чэмпіянату Эўропы. У кастрычніку 2019 году гуляў за зборную Беларусі (да 19 гадоў) у кваліфікацыйным раўндзе чэмпіянату Эўропы. 9 кастрычніка 2020 году дэбютаваў у моладзевай зборнай Беларусі, адгуляўшы ўсе 90 хвілінаў у адборачным матчы чэмпіянату Эўропы супраць зборнай Кіпру (1:2) і забіўшы адзіны гол сваёй каманды.

Дасягненьні

«Дынама»:

• Бронзавы прызэр чэмпіянату Беларусі: 2021

«Шахцёр»:

• Чэмпіён Беларусі: 2022