Род (біялёгія)

Род — таксанамічная група, якая аб’ядноўвае сваяцкія віды жывёл ці расьлінаў. Больш агульная ступень сыстэматыкі — сямейства. Навуковая назва роду пазначаецца адным лацінскім словам. У межах аднаго царства кожны род павінен мець сваю ўнікальную назву. Хоць дапушчальна абазначаць роды з розных царстваў адной назвай, як Міжнародны кодэкс батанічнай намэнклатуры, гэтак і Міжнародны кодэкс заалягічнай намэнклатуры раяць пазьбягаць такіх выпадкаў. Род можа ўлучаць ад аднаго віду, то бок гэтак званы манатыпічны род, да сотняў і нават тысяч відаў, як гэта мае месца сярод расьлінаў і вусякоў. Роды зь некалькімі відамі можна падзяліць на падроды, якія аб’ядноўваюць віды, асабліва блізкія адзін да аднаго. Роды складаюць сямействы, але паміж гэтымі катэгорыямі часта сустракаюцца і прамежкавыя групы, вядомыя як трыбы і падсямействы. У палеабатаніцы, акрамя звычайных родаў, вылучаюць таксама органныя роды і фармальныя роды.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Род (неадназначнасьць).

Герархія васьмі асноўных таксанамічных рангаў біялягічнай клясыфікацыі. Сямейства ўлучае адзін або некалькі радоў.