Росіца (рака)

Ро́сіца — рака ў Беларусі і Латвіі, правы прыток Дзьвіны. Цячэ ў Дрысенскім раёне Віцебскай вобласьці. Даўжыня 51 км (у межах Беларусі 36 км). Плошча вадазбору 279 км² (у Беларусі каля 150 км²). Выдатак вады ў вусьці 1,9 м³/с. Сярэдні нахіл воднай паверхні 1,3‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Росіца.

Рака

Росіца
Агульныя зьвесткі
Выток	каля в. Пустыні
Вусьце	Дзьвіна
Краіны басэйну	Беларусь, Латвія
Вобласьці	Віцебская вобласьць
Даўжыня	51 км
Сярэднегадавы сьцёк	1,9 м³/с
Плошча басэйну	279 км²
Нахіл воднай паверхні	1,3 ‰

Асноўныя прытокі

• Левы: ручай Бярозаўка.
• Правы: ручай Росіца

Агульныя зьвесткі

Пачынаецца за 2 км на паўднёвы захад ад вёскі Пустыні на тэрыторыі, прыналежнай да Латвіі, вусьце на граніцы з Латвіяй за 0,7 км на захад ад вёскі Новага Сяла Дрысенскага раёну. Цячэ ў межах Латгальскага ўзвышша.

Даліна трапэцападобная, яе шырыня 150—200 м, найбольшая — 1 км (каля вёскі Данькаў Дрысенскага раёну), найменшая — 40 м (ніжэй за возера Чорнае). Абалона чаргуецца па берагах (шырыня 20—70 м), каля вёскі Данькаў двухбаковая (шырыня 50 м), у вусьцевай частцы яе няма. Рэчышча на тэрыторыі Латвіі і 1 км на Беларусі каналізаванае, далей мерна зьвілістае^[1].