Ружанка

Ружа́нка, Муцьвіца — рака ў Беларусі, правы прыток Зальвянкі (басэйн Нёмана). Цячэ ў Пружанскім раёне Берасьцейскай вобласьці. Даўжыня 19 км. Плошча вадазбору 237 км². Сярэдні нахіл воднай паверхні 1,2‰.

Рака

Ружанка
Агульныя зьвесткі
Выток	урочышча Ялашоўка
Вусьце	Зальвянка
Краіны басэйну	Беларусь
Вобласьці	Берасьцейская вобласьць
Даўжыня	19 км
Плошча басэйну	237 км²
Нахіл воднай паверхні	1,2 ‰

Асноўны прыток — рака Поплава. На рацэ стаіць мястэчка Ружаны.

Пачынаецца ва ўрочышчы Ялашоўцы за 3,7 км на паўднёвы захад ад вёскі Верчыцаў, упадае ў Зальвянку на паўднёвым усходзе ад вёскі Запольля. Мае каналізаванае рэчышча на працягу 11,4 км перад вусьцем. У малаводныя гады ў вытокавай частцы перасыхае. Прымае сьцёк зь невялікіх рэчак і каналаў^[1].