Рыга (футбольны клюб)

«Рыга» (па-латыску: Riga) — латвійскі футбольны клюб з гораду Рыгі. Заснаваны ў 2014 годзе. Чэмпіён Латвіі (2018, 2019, 2020), уладальнік Кубка Латвіі (2018, 2023). Свае хатнія матчы ладзіць на стадыёне Сконта.

Рыга
Поўная назва	Riga Football Club
Заснаваны	2014
Горад	Рыга, Латвія
Стадыён	Сконта Умяшчальнасьць: 9500
Галоўны трэнэр	Адрыян Гуля[d][1]
Чэмпіянат	Найвышэйшая ліга
· 2024	2 месца
rigafc.lv (лат.)

Гісторыя

Клюб паўстаў і афіцыйна быў зарэгістраваны ў красавіку 2014 году^[2]. Фактычна ён быў утвораны празь зьліцьцё двух рыскіх клюбаў — «Карамба» і «Дынама». Дзякуючы таму, што «Карамба» да таго атрымала права на ўдзел у Першай лізе латвійскай лігі. У сэзоне 2015 году каманда гуляла пад назовам «Карамба/Дынама», але пасьля здабыцьця перамогі ў розыгрышы і прасоўваньня ў Найвышэшую лігу, клюб зьмяніў назву на «Рыгу»^[3]. У 2018 годзе галоўным трэнэрам дружыны быў прызначаны ўкраінскі адмысловец Віктар Скрыпнік, які здолеў двойчы здабыць перамогу ў чэмпіянаце краіны ў 2018 і 2019 гадах. Таксама пад ягоным кіраўніцтвам быў здабыты Кубак Латвіі ў 2018 годзе.