Рэлігія ў Расеі

Рэлігія ў Расеі даволі разнастайная. У адпаведнасьці з законам ад 1997 году хрысьціянства, іслам, будызм і юдаізм адзначаныя як важныя ў расейскай гісторыі. Расея на сёньня вызначае чатыры афіцыйных «традыцыйных» для краіны рэлігіі: праваслаўе, іслам, юдаізм і будызм^[2].

Рэлігія ў Расеі (2015)^[1]

     Хрысьціянства (73.3%)

     Іслам (10.0%)

     Атэізм (16.2%)

     Будызм (0.1%)

     Юдаізм (0.2%)

Праваслаўнае хрысьціянства зьяўляецца традыцыйнай і самай распаўсюджанай рэлігіяй у Расеі і лічыцца часткай «гістарычнай спадчыны» краіны згода з законам 1997 году^[3]. Каля 95% зарэгістраваных праваслаўных прыходаў належаць да Расейскай праваслаўнай царквы, у той час як існуе цэлы шэраг невялікіх аўтаномных праваслаўных цэркваў^[4], самая распаўсюджанай зь якіх зьяўляецца плынь старавераў. Пасьля распаду Савецкага Саюза ў 1991 годзе было шырока распаўсюджана адраджэньне сыбірскага шаманізму па ўсёй Расеі^[5].

Згодна зь некаторымі дасьледваньнямі павага да свабоды веравызнаньня з боку расейскіх уладаў пагоршчылася з канца 1990-х і пачатку 2000-х гадоў^[6].

Паводле зьвестак дасьледаваньня, апублікаванага ў 2018 годзе, хрысьціянства скарачаецца ў Расеі, гэтак жа як у Заходняй Эўропе. Сярод грамадзянаў ад 16 да 29 гадоў 41% зьяўляюцца хрысьціянамі, 10% маюць іншыя рэлігіі, і 49% не зьяўляюцца вернікамі^[7].