Самец

Саме́ц (мужчынская асобіна) — форма жывога арганізму, якая ўтварае дробныя, рухавыя гамэты — народкі. Кожны народак можа зьліцца з жаночай гамэтай — заплодкавай вузай, апладніўшы яе^[1][2][3]. Мужчынскія арганізмы ня могуць размнажацца плоцевым шляхам без дасяжнасьці хаця б да адной заплодкавай вузы, але некаторыя арганізмы могуць размнажацца як плоцевым, гэтак і бясплоцевым шляхам^[4].

Сымбаль мужчынскага роду, а таксама знак Марса — «шчыт і дзіда»

Большасьць самцоў сысуноў, у тым ліку і людзей, маюць Y-храмасому^[5][6], якая адказвае за выпрацоўку большай колькасьці тэстастэрону дзеля разьвіцьця мужчынскіх рэпрадуктыўных органаў.