Санта-Дамінга

Са́нта-Дамі́нга (па-гішпанску: Santo Domingo), раней Са́нта-Дамі́нга-дэ-Гусма́н (гішп. Santo Domingo de Guzmán) — сталіца і найвялікшы горад Дамініканскай Рэспублікі. Насельніцтва — 2 млн чал. (2022), плошча — 1502 км².

Санта-Дамінга
гішп. Santo Domingo
Герб Санта-Дамінга
Дата заснаваньня:	1496
Краіна:	Дамініканская Рэспубліка
Плошча:	104,44 км²
Вышыня:	14 м н. у. м.
Насельніцтва (2010)
колькасьць:	965 040 чал.
шчыльнасьць:	9240,14 чал./км²
Тэлефонны код:	809, 829, 849
Паштовы індэкс:	10100
Геаграфічныя каардынаты:	18°27′45″ пн. ш. 69°56′10″ з. д.
Санта-Дамінга на мапе Дамініканскай Рэспублікі Санта-Дамінга
Галерэя здымкаў у Вікісховішчы
https://adn.gob.do/

Санта-Дамінга заснаваны гішпанцамі ў 1496 року і ёсьць найстарэйшым з тае пары эўрапейскім паселішчам Амэрыкі, а таксама першай сталіцай гішпанскіх калёніяў Новага Сьвету (Генэрал-капітанства Санта-Дамінга). Тут паўсталі першыя ў Новым Сьвеце унівэрсытэт, катэдра, замак, кляштар і фартэцыя. Каляніяльная тэрыторыя места ўключаная ў сьпіс Сусьветнае спадчыны ЮНЭСКО^[1]. У 1936—1961 Санта-Дамінга меў назву Сьюдад Трухільё (гішп. Ciudad Trujillo) у гонар дыкататара Рафаэля Трухільё. Пасьля ягонага забойства вернутая ранейшая назва.

Санта-Дамінга — культурны, фінансавы, палітычны, камэрцыйны й прамысловы цэнтар Дамініканскай Рэспублікі. Таксама тут разьмешчаны галоўны марскі порт краіны.