Сартрувіль

Сартрувíль (па-француску: Sartrouville) — места і муніцыпалітэт у Францыі, у рэгіёне Іль-дэ-Франс, дэпартамэнт Іўлін. Насельніцтва — 51 967 (2017)^[3]. Муніцыпалітэт месьціцца за 17 км ад Парыжу, за 15 км ад Вэрсалю.

Сартрувіль
Краіна:	Францыя
Кіраўнік:	П’ер Фон[d]
Плошча:	8,46 км²[1]
Вышыня:	22 м н. у. м.
Насельніцтва:	▲51 570 чал. (1 студзеня 2022)[2]
Паштовы індэкс:	78500
Геаграфічныя каардынаты:	48°56′43″ пн. ш. 2°10′12″ у. д.
Сартрувіль на мапе Францыі Сартрувіль
Галерэя здымкаў у Вікісховішчы
https://sartrouville.fr

Гісторыя

Няма дадзеных, якія сьведчылі б пра тое, што Сартрувіль быў заселены ў дагістарычны час^[4].

Тэрыторыя Сартрувілю хутчэй усяго была заселеная ў гала-рымскі пэрыяд, таму што зброя гэтага пэрыяду была знойдзеная на месцы Марсавага поля, недалёка ад царквы і могілак, якія яе атачалі. У пясчаных кар’ерах Вадуара былі знойдзеныя некалькі саркафагаў, якія, здаецца, датуюцца гала-рымскай эпохай, а таксама косткі і ржавая зброю таго часу. Блізкасьць месца пад назвай Camp сьведчыць аб наяўнасьці тут гала-рымскага лягеру^[4].

Сартрувільская бажніца была ўзьведзеная ў XII—XIII стагодзьдзях^[5].

Беларусь і Сартрувіль

Пасьля Другой сусьветнай вайны ў 1952 годзе ў Сартрувіль з Парыжу перабраліся некалькі беларускіх сем’яў і пабудавалі там дамы: сярод іх сям’я Ўладзімера і Эвэліны Шыманцоў зь дзецьмі Івонкай Сурвілай і Лявонам Шыманцом. Бацькі Івонкі Сурвілы і Лявона Шыманца да сьмерці пражылі ў Сартрувілі, пахаваныя на мясцовых могілках^[6].