Сацыялістычная партыя (Францыя)

Сацыялістычная партыя (па-француску: Le Parti socialiste) — левацэнтрычная^[1][2][3] і левая^[4][5][6] палітычная партыя Францыі. Прытрымліваецца сацыял-дэмакратычных^[7] і праэўрапейскіх поглядаў^[8]. Партыя цягам многіх дзесяцігодзьдзяў была найбуйнейшай партыяй францускіх левых сілаў і была адной зь дзьвюх асноўных палітычных партыяў у часы Пятай рэспублікі, разам з Аб’яднаньнем за рэспубліку ў канцы XX стагодзьдзя і Зьвязам за народны рух у пачатку 2000-х гадоў. У цяперашні час арганізацыю ачольвае першы сакратар Аліўе Фор. Партыя ўваходзіць у Партыю эўрапейскіх сацыялістаў, Прагрэсіўнага альянсу і Сацыялістычнага інтэрнацыяналу.

Сацыялістычная партыя
па-француску: Parti Socialiste
Заснавальнік	Франсуа Мітэран
Дата заснаваньня	4 траўня 1969
Штаб-кватэра	rue de Solférino[d] Францыя
Ідэалёгія	сацыял-дэмакратыя[d], сацыяльная экалогія[d] і сацыял-лібэралізм[d]
Моладзевая арганізацыя	Young Socialist Movement[d]
Колькасьць	60 000
Афіцыйны сайт	parti-socialiste.fr (фр.)

Была заснавана ў 1969 годзе ў выніку зьліцьця Францускай сэкцыі Рабочага інтэрнацыяналу, Канвэнту рэспубліканскіх установаў на чале з Франсуа Мітэранам і іншых групаў. У 1970-х гадах партыя пераўзышла камуністычную партыю паводле колькасьці галасоў сярод левых. Упершыню яна прыйшла да ўлады ў 1981 годзе, калі прэзідэнтам быў абраны Мітэран. Яна мела кіроўную большасьць у Нацыянальнай асамблеі з 1981 па 1986 гады ды зноў з 1988 па 1993 гады. Лідэр партыі Ліянэль Жаспэн прайграў на выбарах на пасаду прэзыдэнта ў 1995 годзе кансэрватару Жаку Шыраку, але займаў пасаду прэм’ер-міністра ва ўрадзе з 1997 па 2002 гады.