Севярына Віславух (філёляг)

Севярына Марыя Віславух (па-польску: Seweryna Maria Wysłouch; нар. 25 сьнежня 1940, Гастынін^[3]) — польская літаратуразнаўца, прафэсарка гуманітарных навук.

Севярына Віславух
Дата нараджэньня	25 сьнежня 1940(1940-12-25) (84 гады)
Месца нараджэньня	Гастынін[d], Мазавецкае ваяводзтва, Польшча
Месца вучобы	Другі агульнаадукацыйны ліцэй у Познані[d] Унівэрсытэт імя Адама Міцкевіча
Занятак	філёляг, літаратуразнаўца, паляністка, літаратар
Навуковая сфэра	літаратуразнаўства[1], літаратурная тэорыя[d][1] і паляністыка[d][1]
Месца працы	Унівэрсытэт імя Адама Міцкевіча[2]
Сябра ў	Літаратурнае таварыства імя Адама Міцкевіча[d]
Навуковая ступень	праф.
Бацька	Віктар Віславух[d]
Узнагароды

Вікіпэдыя мае артыкулы пра іншых асобаў з прозьвішчам Віславух.

Жыцьцяпіс

Дачка інжынэра Віктара Віславуха і Мар’яны з Фронтчакаў^[3].

Скончыла ліцэй у Познані (1958) і факультэт паляністыкі ўнівэрсытэту імя Адама Міцкевіча (1963). Працавала настаўніцай польскай мовы ў музычным ліцэі, прафэсійна-тэхнічнай вучэльні для працоўных № 2^[3], Вышэйшых настаўніцкіх курсаў (усе — Познань). У 1970 абараніла доктарскую дысэртацыю Проза Міхала Хараманскага. Трансфармацыя псыхалягічнага раману XX стагодзьдзя. З 1973 року працавала ад’юнктам на факультэце тэорыі літаратуры Інстытуту польскай філялёгіі ўнівэрсытэту Адама Міцкевіча. У 1981 атрымала ступень габілітаванага доктара за працу Праблематыка адначаснасьці ў прозе, у 1983 атрымала пасаду дацэнта. У 1984—1987 — намесьніца дырэктара ІПФ УАМ, ад 1991 — асацыяваная прафэсарка УАМ, у 1994 атрымала тытул прафэсара гуманістычных навук. У 1998—2011 кіравала факультэтам сэміётыкі літаратуры ІПФ УАМ^[3][4].

Сяброўка Літаратурнага таварыства імя Адама Міцкевіча.

У 1984 адзначаная залатым Крыжам Заслугі^[3].

Творчасьць

Разам з Бажэнай Храстоўскай апублікавала ў 1974 том дасьледаваньняў Ведамасьці з тэорыі літаратуры ў літаратурным аналізе. Аўтарка працаў Проза Міхала Харамянскага (1977), Праблематыка адначаснасьці ў прозе (1981), Літаратура і візуальныя мастацтвы (1994), Літаратура і сэміётыка (2001).

Суаўтарка падручнікаў: Сучасная літаратура. Падручнік для выпускных клясаў і Дастасоўная паэтыка.