Скачок тыгра

Скачо́к ты́гра (па-эстонску: Tiigrihüpe) — дзяржаўны праект, у рамках якога адбывалася разьвіцьцё й пашырэньне кампутарнай і сеткавай інфраструктуры ў Эстоніі, асабліва ў галіне адукацыі^[1]. Ідэя праекту ўпершыню была прапанаваная ў 1996 року тагачасным амбасадарам Эстоніі ў ЗША Тоомасам Хэндрыкам Ільвэсам і міністрам адукацыі Яакам Аавіксаам.

Істотным эфэктам праекту стала прадастаўленьне доступу ў Інтэрнэт для ўсіх школаў Эстоніі^[2], а таксама абсталяваньне і абнаўленьне кампутарных клясаў: на зьмену маральна састарэлым кампутарам з АС CP/M прыйшлі IBM-сумяшчальныя кампутары.

Пасьля кібэратакаў супраць Эстоніі сеціўная бясьпека была зьяднаная з вайсковай дактрынай. Пасьпяховы вынік прывёў да ідэі стварэньня ў Таліне Каапэратыўнага кібэрнэтычнага абароннага цэнтру майстэрства з удзелам NATO. Гэты праект атрымаў назву «Абарона тыгра» (па-эстонску: Tiigrikaitse)^[3].

Глядзіце таксама

• Эстоніка
• Інтэрнэт у Эстоніі