Сыгілятыя

Сыгіляты́я — калекцыянаваньне мастацкіх паштовых капэртаў з выявамі або ўласна выяваў з такіх капэртаў. Выявы могуць быць надрукаваныя, намаляваныя на капэрце як заводзкім, так і ручным спосабам^[1] (у адрозьненьне ад капэртаў з налепленымі паштовымі маркамі).

Беларуская капэрта з арыгінальнай маркай, выдадзеная да Дня беларускага пісьменства (2008)

Найчасьцей выдаюцца памятныя капэрты, прымеркаваныя да пэўных сьвяточных датаў ці дня нараджэньня знакамітых асобаў. Частка калекцыянэраў-сыгілятыстаў зьбіраюць адвольныя ілюстраваныя капэрты, частка аддаюць перавагу пэўнай тэматыцы.

Сыгілятыя распаўсюджаная пераважна на постсавецкай прасторы^[1].