Сьнітка

Сьнітка, Сныць^[1] (па-лацінску: Aegopódium) — род шматгадовых травяністых расьлін сямейства парасонавыя. Пашыраны ў Эўропе й ва ўмераным поясе Азіі. На Беларусі маецца толькі адзін від — сьнітка звычайная.

Сьнітка

Біялягічнае апісаньне

Лісьце на доўгіх хвосьціках, двойчы трайчастыя ці трайчатаперыстыя. Лісточкі ёсьць даўгавата-яйкападобнымі, пілаватымі па краёх. Суквецьці — парасонікі й парасончыкі, безь лісточкаў абгорткі й абгортачак. Кветкі дробныя, белыя, рэдка ружовыя. Тычачак пяць. Пад полагам лесу сьнітка звычайна не цьвіце^[2]. Плады сьціснутыя з бакоў, з тонкімі ніткападобнымі рэбрамі.

Віды

• Aegopodium alpestre
• Aegopodium handelii
• Aegopodium henryi
• Aegopodium kashmiricum
• Aegopodium latifolium
• Aegopodium podagraria
• Aegopodium tadshikorum