Сэбастыян Кель

Сэбастыян Кель (па-нямецку: Sebastian Kehl; нар. 13 лютага 1980 году, Фульда, Гэсэн, ФРН) — нямецкі футбаліст. У 2001—2006 гадах выступаў за нацыянальную зборную Нямеччыны.

Сэбастыян Кель
Пэрсанальная інфармацыя
Нарадзіўся	13 лютага 1980(1980-02-13)[1][2][3] (45 гадоў) Фульда, Касэль[d]
Рост	187 см
Вага	87 кг
Пазыцыя	паўабаронца
Клюбы
Гады	Клюб	Гульні (галы)¹
1998—2000	Гановэр-96	32 (2)
2000—2001	Фрайбург	40 (4)
2002—2015	Барусія Дортмунд	274 (20)
2004—2011	Барусія Дортмунд II	7 (1)
Зборныя
1999—2001	Нямеччына (да 21)[d]	11 (0)
2001—2006	Нямеччына	31 (3)

Біяграфія

Кель перайшоў у «Барусію» па ходу сэзону 2001—2002 гадоў з клюбу «Фрайбург», адхіліўшы прапанову мюнхэнскай «Баварыі». Пасьля апэрацыі на калене летам 2006 году Сэбастыян прапусьціў першую палову сэзону 2006—2007 гадоў, выйшаўшы на поле толькі 4 лютага, пасьля чаго яму давялося яшчэ некалькі тыдняў залечваць неакрэплую суставу.

У складзе нацыянальнай зборнай Нямеччыны футбаліст дэбютаваў 29 траўня 2001 году ў матчы супраць Славаччыны, які прайшоў у Брэмэне^[4]. У тым матчы ён пасьля перапынку замяніў Марка Рэмэра й дапамог камандзе атрымаць перамогу зь лікам 2:0. Са сваёй нацыянальнай камандай Сэбастыян паўдзельнічаў у двух чэмпіянатах сьвету: у 2002 годзе заваяваў срэбра, а ў 2006 годзе — бронзу. На чэмпіянаце Эўропы ў Партугаліі, які прайшоў у 2004 годзе, Кель разам з таварышамі па зборнай ня здолеў пераадолець групавы этап.

Дасягненьні

Барусія Дортмунд:

• Чэмпіён Нямеччыны: 2002, 2011

Асабістае жыцьцё

Кель жыве разам са сваёй сяброўкай Тынай, якая 26 верасьня 2006 году нарадзіла яму сына Луіса, а 19 кастрычніка 2009 году яшчэ аднаго хлопчыка Лені. Агулам мае з жонкай трох дзяцей^[5].