Сямён Сапіга

Сямён Сапіга (Сапега; упамінаецца ў 1440-я гады) — дзяржаўны дзяяч Вялікага Княства Літоўскага. Пісар гаспадарскі за часам княжаньня Казімера ў 1441—1449 гадох.

Сямён Сапіга
лац. Siamion Sapieha

Сямён Сапіга ў вобразе Сунігайлы, 1709 г.
Герб Ліс
Асабістыя зьвесткі
Памёр	XV стагодзьдзе
Род	Сапегі
Жонка	Настасься Паўшанка
Дзеці	Багдан, Іван, Юры, Васіль, Ганна
Дзейнасьць	дзяржаўны службовец

Сямён Сапіга — пачынальнік магнацкага роду Сапегаў.

Біяграфія

Сямён Сапега ў вобразе Пунігайлы, 1709 г.

Паводле радаводу Сапегаў («Historia domus Sapiehianae») — нашчадак Сунігайлы, прапраўнука Гедзіміна, які пры складаньні Гарадзельскае уніі ў 1413 годзе прыняў герб Ліс, што аднак зьняпраўдзілі яшчэ ў XIX ст. на той падставе, што Сунігайла памёр бязьдзетным^[1].

Згодна з сучаснымі дасьледаваньнямі, паходзіў з полацкіх баяраў, асноўныя маёнткі якіх знаходзіліся на Смаленшчыне^[2].

Ажаніўся з Настасьсяй Паўшанкай^[3]. У шлюбе меў чатырох сыноў, у тым ліку Багдана і Івашку, ад якіх пайшлі дзьве галіны роду Сапегаў — чарэйска-ружанская й коданьская.